BIZIPOZAREN JAIA! 2018

Asteburuan Bizipoza Jaia ospatu zen Errenterian eta hantxe izan ziren arteliburu21 eta arteko TALLER.
Gernika plazako gunean haurrentzako tailerra antolatu genuen. Artista Liburuak sortzeko era ezberdinak ezagutarazi, ur-gaineko tinten transferentziarekin jolastu… Gaztetxoek liburua maitatzen hasteko helburuarekin gure tailerrekin gozatzeko aukera izan zuten goizean zehar. 
Bizipoza Elkartea izaera bereziko gaiak lantzen dituzten 33 elkartez osatutako elkartea da. Elkarte guzti hauek egiten duten lana eta lantzen dituzten baloreak gizarteratzea, bisualizatzea, sentsibilizazio lana aurrera eramatea, baliabideetan laguntzea eta gizartean euskaraz eta auzolanean elkartasuna sustatuko duen bolondres sarea osatu eta martxan jartzea ditu helburu.

Bizipoza jaiaren helburu nagusia elkarte guzti hauek egiten duten lana ezagutaraztea da, pertsona guztiak ezberdinak direla, ezberdintasun hori aniztasun dela eta munduak aniztasun horrentzat guztiarentzat lekua izan behar duela.